ma waxaad u malayseen in laydinka tegi isagoon Eebe muujin kuwa jahaaday oo
idinka mida oon ka yeelanin wax ka soo hadhay Eebe iyo Rasuulkiisa iyo
Mu'miniinta Saaxiib, Eebana waa ogyahay waxaad falaysaan.
kuwa (xaqa) rummeyow ha ka yeelanina Aabayaalkiin iyo walaalihiin sokeeye hadday
ka jeelaadaan gaalnimada iimaanka, ciddiise ka sokeeye yeelata oo idinka mida
kuwaasu iyaga umbaa daalimiina.
waxay ka yeesheen culimadoodii iyo suufiyadoodii Eebayaal ilaahay ka sokow iyo
ciise ibnu maryama waxaan cibaadada ilaahay kali ah ahaynna lama farin. Eebe
mooyee ilaah kalana ma jiro waana ka nasanyahay waxay la wadaajin.
maalinta lagu gubi xoolahaas dartood naarta jahannamo ay ku guban wajiyadoodu
iyo dhinacyadoodu iyo dhabarkoodu oo lagu odhan kani waa waxaad u kaydsanayseen
Naftiinna ee dhadhamiya waxaad kaydsanayseen ciqaabtiisa.
kuwa xaqa rumeeyow maxaad leedihiin oo marka laydin dhaho ku baxa jidka Eebe aad
ugu cuslaataan dhulka, ma waxaad ku ralli noqotaan nolosha adduun aakhiro ka
sokow, nolosha adduunyo marka aakharo loo dayo waa uun raaxo yar.
haddaydaan u gargaarin Nabiga waxaa u gargaaray Eebe markay bixiyeen kuwii
gaaloobay isagoo labo midkooda markay godka ku jireen markuu ku lahaa
saaxiibkiis ha walbahaarin Eebaa inala jirce, oo Eebe ku dajiyey xasiikiisa kuna
xoojiyey Januud aydaan arkayn kana yeelay kalimadda kuwa gaaloobay tan hoosaysa,
kalimadda Ilaahayna waa tan sarreysa, Eebana waa adkaade falsan.
hadduu wanaag ku soo gaadho wuu walbahaarinayaa Munaafiqiinta, hadday ku hesho
dibaatana waxay dhahayaan waan ka dadaalay raaciddiisa, mar hore, wayna
jeedsadaan iyagoo faraxsan.
wax u diiday in la aqbalo bixinteeda oon ka gaaloowgooda Eebe iyo Rasuulkiisa
ahayn majiro, mana yimaaddaan salaadda iyagoo wahsan mooyee, mana bixiyaan
iyagoo neeeb mooyee.
hadday ku raalli noqdaan waxay siin Eebe iyo rasuulkiisu oy dhahaan waxaana nagu
filan Eebe wuxuu naga siin Eebe fadligiisa rasuulkiisuna wuu nasiin Anaguna Eebe
unbaan wax ka doonaynaa (saasaa u khayroon).
sadaqada (Zakada) waxaa uun muta fuqarada, masaakiinta, kuwa ka shaqeeya, kuwa
la soo dhawayn quluubtooda, kuwa la xorayn, kuwa (xaqa) ku daynoobay, jidka Eebe
iyo soedaalka, waana wax Eebe Faral yeelay, ilaahayna waa oge falsan.
waxay ka digtoonyihiin munaafiqiintu in lagu soo dajiyo suurad ka warrami waxa
quluubtooda ku sugan, waxaad dhahdaa jeesjeesa Eebe wuxuu soo bixin waxaad ka
digtoontihiin (cabsanaysaan).
ama u dambidhaaf warso ama ha u dambidhaaf warsanin, haddaad u dambi dhaaf
warsato toddobaatan jeer uma dambidhaafo Eebe, ileen iyagu waxay ka gaaloobeen
Eebe iyo rasuulkiisa, eebana ma hanuuniyo qoomka faasiqiinta ah.
hadduu kuu soo celiyo Eebe koox ka mid ah oy kaa idin waydiistaan bixid waxaad
dhahdaa bixi maysaan lajirkayga waligiin, lana dagaallami maysaan Col lajirkayga
illeen waxaad jeclaateen fadhi markii horaba ee la fadhiya kuwa dib maray.
ha ku tukanin mid ka mid ah oo dhinta waligeed, hana kor istaagin qabrigiisa,
illeen waxay ka gaaloobeen Eebe iyo Rasuulkiisa waxayna dhinteen iyagoo
faasiqiin ah.
marka la soo dejiyo suurad (dhihi) rumeeya Eebe jahaadana la jirka Rasuulkiisa
waxaa idan ku warsada kuwa awoodda leh oo ka mid ah waxayna dhahaan na daa aan
noqonno kuwa fadhiyee.
Rasuulkase iyo kuwa rumeeyey ee la Jira way ku jahaadaan xoolahooda iyo naftooda
waxaana kuwaas u sugnaaday khayraad, kuwaasuna waa uun kuwa Liibaanay.
waxaa uun jid laguleeyahay kuwa ku idan warsada iyagoo hodanna oo ka raati
noqday inay ka midnoqdaan kuwa had hay (Xaaska) wuxuuna Eebe daabacay
quluubtooda waxna ma oga.
way idiin dhaaran markaad u gadoontaan xaggooda inaad ka jeedsataan ee iskaga
jeedsada iyagu waa wasakhe hoygooduna waa jahannamee waana ka abaal marin waxay
kasbanayeen.
Reer baadiyahaa ugu daran Gaalnimada iyo Munaafaqnimada, mudanna inayna waxba ka
ogayn xuduudda (Soohdimaha) waxa Eebe ku soo Dejiyey Rasuulkiisa, Eebena waa oge
fal san.
kuwii ku dheereeyey «khayrka» ee horreeyey oo ka mida Muhaajiriinta iyo Ansaar
iyo kuwii ku raacay wanaagga Eebaa ka raalli noqday iyana way ka raalli noqdeen,
wuxuuna u darbay Jannooyin ay socoto dhexdeeda Wabiyadii iyagoo ku waari
waligood, taasina waa Liibaan wayn.
gaararkiinna waxaa ka mida reebaadiye Munaafiqiina, Reer Madiinana (waa kamid)
waxay ku madax taageen munaafaqnimo, ma ogidin annagaase og, waxaannu cadaabi
Labo jeer, markaasaa loo celin cadaab wayn.
Waxaa ka mida kuwo u yeeshay Masaajid, gaalnimo, kala goynta Mu'miniinta iyo
darbidda Cid la dagaallanta Eebe iyo Rasuulkiisa mar hore waxayna ku dhaaran
inaanaan doonayn Waxaan wanaag ahayn Eebana waa ogyahay inay been sheegi.
Ma Ruux ku billaabay dhismihiisa ka dhawrsasho Eebe iyo raalli noqoshadiisa yaa
Khayrroon mise Ruux ku billaabay dhismihiisa God dumi dhinaciis oo kula dhici
Naarta Jahannamo Eebana ma hanuuniyo Qoomka daalimiinta ah.
Eebe wuxuu kaga gatay Mu'miniinta Naftooda iyo Xoolahooda inay janno u ahaato ku
dagaallami Jidka Eebe oy waxna dili iyana la dili, waana yabooh ku sugan (dhaba)
Tawreed iyo Injiil iyo Quraanka, yaa ka oofin badan ballankiisa Eebe ku
bishaaraysta gadiddii ood gaddeen kaasina waa uun Liibaanta wayn.
waa kuwa toobadkeena, ee caabuda (Eebe) ee mahdiya, ee saa'ixiinta ah (Sooma oo
Jahaada) ee Rukuca ee Sujuuda, ee fara wanaagga reebana xumaanta, ee dhawra
Xuduudda Eebe, ee u Bishaaree Mu'miniinta.
ma ahayn u dambi dhaaf doonidii Nabi Ibraahim Aabihiis ballan uu u yaboohay
mooyee, markayse u caddaatay inuu Col Eebe yahay wuu iska bari yeelay Xaggiisa
(Nabi) Ibraahim wuxuu ahaa duco (Baryo) badanaha (Eebe) oo dul badan.
wuxuu Eebe ka toobad aqbalay Nabiga, Muhaajiriinta iyo Ansaartii raaeday
Saacaddii cidhiidhiga intay u dhawaatay inay iilato quluub koox ka mida ka dib,
markaasuu ka toobad aqbalay, illeen waa u turaha u naxariistee.