- Oko Mi Fi Pata Mi Soogun Owo — Philomina :: EsinIslam Yoruba Media Fun Iroyin, Atoka, Iwe-Irohin Yoruba Blogs, Audios Radio Ni Yoruba, Videos Aworan Ni Yoruba, Newspapers, Magazines, Itan Aroso Irohin Yoruba, Fatwas And Idajo Ni Ilana-Ofin Musulumi

Lati Owo Akoroyin Olootu

Oko Mi Fi Pata Mi Soogun Owo — Philomina

''Oko mi n soogun, o si daju pe o ti fi pata mi soogun owo nitori pe latigba ti pata mi ti di awati ni mi o ti ni ifokanbale ati alaafia mo, se ni mo maa n gbo tenikan maa n pe oruko mi ti mi o si ri onitohun, mo kan maa n gbo oruko mi saa ni.'' Iyaale ile kan, Abileko Igbolanu Philomina, lo so bee lasiko to to ile-ejo ibile kan lo, to si ro aare ile-ejo ohun lati tu igbeyawo olodun merindinlogun to wa laarin oun pelu oko re, Bonaventure, ka.

Obinrin ohun so pe gbogbo igba nija maa n waye laarin awon, bee lokunrin naa maa n se agbere kiri, omuti paraku ni, ko toju oun pelu awon omo, o si maa n se oogun pupo.

Philomina to je eni odun marunlelogbon to n gbe ni Jimoh Aliyu, lopopona Adebayo, niluu Ado-Ekiti, salaye pe nigba kan lodun 2012 loko oun le oun jade pelu ada, gbogbo wahala ohun lo si mu koun kuro nile.

Obinrin ohun to ti bimo marun-un fun oko re so pe opolopo igba ni okunrin naa maa n lu oun nitori boun se ko lati je ko ba oun lajosepo ati bi oun se taku lati ko owo-osu oun fun un.

O ni ita gbangba loju awon araadugbo lokunrin naa ti maa n lu oun, ti yoo si da ogbe soun lara yannayanna.

O lokunrin naa ki i bikita nipa itoju awon omo, bee ni ki i sanwo ileewe tabi fowo ounje sile.

Sugbon gbogbo igba to ba ti ni owo lowo, se lo maa n gba ile oti lo, ti yoo si muti kanrin pelu siga. O nigbeyawo ohun ti su oun, kile-ejo tu awon ka.

Sugbon ninu oro tie, Bonaventure to je eni odun marundinlaaadota to fi ojule keji, opopona Oke Oniyo, niluu Ado-Ekiti, sebugbe so pe lati odun 2012 niyawo oun ti pa oun ti. O lohun to maa n saaba fa ija ni bi obinrin naa se maa n ji owo oun.

O tako gbogbo esun tobinrin naa fi kan an pe ki i toju ile pelu bo se so pe ojoojumo loun maa n fun obinrin naa lowo ounje. O ni se ni iyawo oun gbe foonu oun pelu awon ebun igbeyawo awon sa lo.

O waa ro ile-ejo lati tu igbeyawo naa ka, won si ko awon omo maraarun foun.

Aare ile-ejo ohun, Joseph Ogunsemi, so pe o han pe igbeyawo olodun merindinlogun ohun ti daru patapata, nitori idi eyi, ile-ejo tu igbeyawo naa ka.

Nipa oro awon omo maraarun-un tigbeyawo naa so, ile-ejo ko Kinsley ati Kenneth fun okunrin naa, sugbon Mercy ati Favor yoo maa gbe odo iya-iya won ti i se Iyaafin Comfort.

Ile-ejo pase ki Love maa gbe pelu egbon oko, bakan naa lokunrin ohun yoo maa san egberun meji naira losoosu nipase ile-ejo fawon omo naa, awon obi won yoo si maa gbaruku ti eto eko won.