- Ija Ni Baba Joke La L'Orile-Iganmu, Lo Ba Gbabe Ku :: EsinIslam Yoruba Media Fun Iroyin, Atoka, Iwe-Irohin Yoruba Blogs, Audios Radio Ni Yoruba, Videos Aworan Ni Yoruba, Newspapers, Magazines, Itan Aroso Irohin Yoruba, Fatwas And Idajo Ni Ilana-Ofin Musulumi

Lati Owo Akoroyin Olootu

Ija Ni Baba Joke La L'Orile-Iganmu, Lo Ba Gbabe Ku

Ogbeni Oladiran ti pade iku ojiji lasiko to n pari ija to waye laarin omo re, Olajoke Oladiran pelu Stanley Okere to je araadugbo won.

Nigba tomo baba naa n ba akoroyin wa soro leka to n topinpin esun ipaniyan nileese olopaa to wa ni Panti nipa iku baba e, Joke to je eni odun metadinlogbon so pe, ''Idi omi taapu to wa laduugbo wa ni Adisatu, l'Orile-Iganmu, ni mo lo laaaro ojo Isegun, Tusde, ojo kin-inni, osu keta, yii, lati loo ba aburo mi gbe omi wale. Bi mo se debe, mo ba awon omobinrin meji kan ati omo kekere kan pelu aburo mi nibe, lobinrin to n ta omi ba so fun awa ta a duro pe ka pon omi wa, ka ma duro de awon ti garawa omi won wa saaju tiwa lori ila.'' Leyin tawon omobinrin mejeeji pon omi won tan ti Joke ni koun gbe garawa omi ti aburo re gbe sori ila ni omo kekere kan to ni ko ju omo odun mejila lo so pe ko ma gbero lati se bee nitori boun se wa yii, oun lagidi gan-an, bee lomo naa beere pe se ko ya were?

Oro tomo naa so si Joke lo se so fun un pe boun ba ki i mole toun n na an, awon eeyan a so pe oun ri i lomode loun se n fiya je e. Oro yii ni Joke atomo ohun n fa lowo ti egbon re, Stanley Okere fi sunmo won lati da si i, to si gba Joke leti lori oro ti ko to nnkan

Aburo Joke la gbo pe o loo fi ohun to sele to baba won leti tiyen fi sare debe lati beere ohun to faja gan-an lowo omo e. Joke salaye oro fun baba e, leyin eyi ni baba naa sunmo Stanley toun atomo re jo n ja lati bi i leere idi oro naa, niyen ba so fun baba pe ko loo bi omo re.

Bi baba naa se waa gbese to n dun un le okuta to fi di pe eje n da lara re ni ko gba ibi kan ye enikeni titi di bi a ti n ko iroyin ohun jo. Ileewosan keji ti won gbe Ogbeni Oladiran de ni won ti taari re lo sosibitu Jenera, won ni ko si eje kankan nile tawon le fa sara oloogbe naa to ti padanu eje pupo laarin asiko ohun.

Ki itoju baba won le ya lawon omo oloogbe yii se gbe e lo sileewosan nla kan ti ko fi bee jinna saduugbo won, nibi ti baba yii pada ku si.

Iwe afihan awon olopaa tawon oloyinbo n pe ni 'police report' la gbo pe Joke atawon ebi baba re kan fee loo gba ni tesan olopaa kan to wa lagbegbe won ti won fi ba Stanley atawon eeyan e kan ti won mu esun wa sibe pade. Leyin to han sawon agbofinro pe awon meteeta ni won lowo sija ohun ni won mu won sile, ki won too waa taari won wa sileese olopaa to wa ni Panti, nibi tawon afurasi naa ti n ran awon olopaa lowo lori ohun to fa sababi iku baba naa.