- Igbeyawo Odun Merinla Fori Sanpon L'Ore :: EsinIslam Yoruba Media Fun Iroyin, Atoka, Iwe-Irohin Yoruba Blogs, Audios Radio Ni Yoruba, Videos Aworan Ni Yoruba, Newspapers, Magazines, Itan Aroso Irohin Yoruba, Fatwas And Idajo Ni Ilana-Ofin Musulumi

Lati Owo Akoroyin Olootu

Igbeyawo Odun Merinla Fori Sanpon L'Ore

Oro beyin yo nile-ejo giga kan to fikale siluu Ore, nijoba ibile Odigbo, nipinle Ondo, l'Ojoru, Wesde, ose to koja yii, pelu bi kootu ohun se pase pe ki Ogbeni Omojeje Ajisola Victor sanwo to to egberun lona eedegbeta naira (N500,000) fun iyawo re to fee ko sile, bee lo ni odo iyawo, Folasade Omojeje, ni kawon omo mejeeji tigbeyawo naa so leso maa gbe.

Omojeje to je oko-iyawo la gbo pe o mu esun iyawo re lo sile-ejo giga pe ki won tu igbeyawo odun merinla to wa laarin awon ka, kile-ejo naa si pase fun iyawo lati yonda awon omo mejeeji to bi fun un lati maa toju won, sugbon iyalenu loro ohun je fawon ero kootu pe okunrin to pejo naa lo pada jebi bo.

Lara awon esun ti Omojeje fi kan iyawo re nile-ejo ni fifi eto eni dun ni, pipa oun ti fun ojo pipe ati aisi ife mo laarin awon.

Kootu ijoba apapo kan to wa lagbegbe Ikoyi, niluu Eko, la gbo pe o so awon mejeeji po gege bii toko-taya ni ogbonjo, osu kejila, odun 2002, leyii to mu ki igbeyawo ohun ku die ko pe odun merinla gbako lodun ta a wa yii.

Lati nnkan bii odun meje seyin la gbo pe iyawo ohun ti n da gbe pelu awon omo mejeeji to bi foko re. Obinrin naa lo n da gbo bukaata awon omo titi kan owo ileewe won. Gbogbo awon risiiti owo tabileko ohun na lori itoju awon omo e lo ko wa siwaju adajo gege bii eri lati gbe oro re lese.

Nigba to n gbe idajo re kale, Onidaajo Olorundahunsi fidi e mule pe gbogbo awon atotonu to ti n waye lateyinwa latenu agbejoro olupejo ati olujejo fi han pe ko sohun meji ti toko- taya yii n fe ju kile-ejo tu won ka lo. O ni eyi fi han pe ko si ife mo laarin won pelu bi won se n gbe lotooto lati nnkan bii odun meje seyin bayii.

Ohun tadajo ohun so pe o se koko ju nigbakigba tile-ejo ba fee tu igbeyawo ka ni igbe-aye irorun awon omo to ba ti iru igbeyawo bee jade. O waa pa a lase pe kawon omo mejeeji, Omojeje Folusayo ati Folusewa maa gbe lodo iya won pelu pe baba won letoo lati maa be won wo nigbakigba to ba wu u.

Bee lo so fun Omojeje pe o gbodo maa san egberun meeedogbon naira (N25,000) losoosu fun iyaale ile yii gege bii owo itoju awon omo, ko tun maa san ida meje lara owo ileewe awon omo naa latigba naa lo.

Lakootan, Olorundahunsi ni ki okunrin naa san egberun lona eedegbeta naira (N500,000) fobinrin yii gege bii ara owo to ti fi n da toju awon omo mejeeji latigba to ti n da gbe.